ຈັ່ງແມ່ນລ່ວງ! ຄົນຂ້າງເຮືອນລັກມາແຕ່ງກິນ ມາເປີດແອນອນຢູ່ເຮືອນຕົນເອງ

    0
    286

    ຈັ່ງແມ່ນລ່ວງ! ຄົນຂ້າງເຮືອນລັກມາແຕ່ງກິນ ມາເປີດແອນອນຢູ່ເຮືອນຕົນເອງ ເຈົ້າຂອງເຮືອນເລົ່ານາທີສຸດຊັອກ ກັບເຮືອນມາພົບຜູ້ຍິງມານອນເປີດແອໃນຫ້ອງນອນ ພ້ອມເປີດເຕົາແກັສແຕ່ງກິນຢູ່ເຮືອນຕົນເອງເສີຍ ໂດຍເລື່ອງນີ້ແມ່ນເກີດຂຶ້ນທີ່ປະເທດໄທ.
    ຈາກກໍລະນີຜູ້ໃຊ້ເຟສບຸກຊື່ ຄຸນນາຍ ຕອງເກົ້າ ໄດ້ໂພສພາບຜູ້ຍິງຄົນໜຶ່ງເຂົ້າໄປໃນເຮືອນແຕ່ງກິນ ແລະ ຍັງເປີດແອໄປຫ້ອງນອນຫົ່ມຜ້ານອນຢ່າງສະບາຍໃຈ.

    ຫຼ້າສຸດທາງຜູ້ສື່ຂ່າວ ໄດ້ເດີນທາງໄປເຮືອນຫຼັງທີ່ເກີດເຫດ ຢູ່ໃນໝູ່ບ້ານແຫ່ງໜຶ່ງ ພົບກັບເຈົ້າຂອງເຮືອນ ໄດ້ບອກກັບຜູ້ສື່ຂ່າວວ່າ: ເຫດເກີດຂຶ້ນເມື່ອວັນທີ 22 ທັນວາ ເຊິ່ງຕົນເອງອອກຈາກເຮືອນໄປວຽກແຕ່ເຊົ້າ ແລະ ກັບມາປະມານ 4ໂມງແລງ ແລະບໍ່ມີໃຜຢູ່ໃນເຮືອນ.

    ເມື່ອເຂົ້າມາໃນເຮືອນກໍ່ພົບວ່າຫ້ອງຄົວທີ່ເຕົາແກັສມີຮອຍແຕ່ງກີນ ເມື່ອຂຶ້ນໄປຊັ້ນສອງກໍ່ພົບວ່າຫ້ອງນອນຖືກເປີດໄວ້ ເມື່ອເປີດຫ້ອງນອນເຂົ້າໄປເບິ່ງພົບຜູ້ຍິງເປີດແອນອນຢູ່ໃນຫ້ອງ ຕົນຈຶ່ງເອີ້ນ ແລະ ຖາມວ່າແມ່ນໃຜ ເຂົ້າມາໃນເຮືອນຕົນເອງໄດ້ແນວໃດ.

    ຜູ້ຍິງຄົນນັ້ນໄດ້ປີນຫຼັງຄາເຂົ້າມາຊັ້ນສອງ ແລະ ປີນເຂົ້າມາທີ່ຫ້ອງນອນເພາະນາງຢູ່ຫຼັງເຮືອນຂອງຕົນນີ້ເອງເປັນຄົນສະຕິບໍ່ດີປານໃດ ແລະ ຕອນນີ້ຕົນເອງກໍ່ໄດ້ໄປແຈ້ງຄວາມໄວ້ແລ້ວ ເຊິ່ງຈົ້າໜ້າທີ່ຕໍາຫຼວດໄດ້ຄວບຄຸມຕົວນາງໄປແລ້ວ.

    ສໍາລັບຕົນເອງແລ້ວ ເຫດການແບບນີ້ຄວນນໍາຜູ້ກໍ່ເຫດໄປບໍາບັດ ຕົນກໍ່ໄດ້ໄປລົມກັບພໍ່ຜູ້ກໍ່ເຫດແລ້ວ ພໍ່ກໍ່ບໍ່ຮູ້ຈະເຮັດແນວໃດເພາະລູກຕົນເອງສະຕິບໍ່ດີ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.