ຈັບພໍ່ຄ້າຢາລາຍໃຫ່ຍ ຍຶດທັງລົດແຣນໂຣເວີ ແລນຄູເຊີ ປຣາໂດ ຟໍຈູນເນີ ພ້ອມເງິນຈຳນວນຫຼາຍ

    0
    3008

    ປກສ ເມືອງໄຊທານີ ມ້າງກຸ່ມຄ້າຂາຍ ຢ າເ ສ ບ ຕິ ດ ລາຍໃຫ່ຍ ຍຶດຂອງກາງຫຼາຍລາຍການ ກອງບັນຊາການ ປກສ ເມືອງໄຊທານີ ນະຄອນຫຼວງວຽງຈັນ ມ້າງກຸ່ມແກ້ງຄ້າ ຂ າ ຍ ຢ າລາຍໃຫ່ຍ ຢູ່ບ້ານດອນໜູນ ກັກຕົວເປົ້າໝາຍ ຈຳນວນ 4 ຄົນຄື: ທ້າວ ສຸບັນ ອາຍຸ 58 ປີ ຫວ່າງງານ ຂອງກາງ ຢ າ ບ້ າ 30,000 ເມັດ, ທ້າວ ອາລີ ອາຍຸ 39 ປີ ມີຂອງກາງ 210 ເມັດ, ນາງ ໄຊພອນ ອາຍຸ 57 ປີ ອາຊີບ ແມ່ເຮືອນ ຂອງກາງ 1,000 ເມັດ ແລະ ທ້າວ ສາຍສະໝອນ ອາຍຸ 29 ປີ ຫວ່າງງານ ບໍ່ມີຂອງກາງ.

    ພັທ ຈັນເພັງ ແກ້ວປະເສີດ ຫົວໜ້າກອງບັນຊາການ ປກສ ເມືອງໄຊທານີ ໃຫ້ຮູ້ວ່າ: ວັນທີ 23 ທັນວາ 2021 ພວກເຮົາໄດ້ຈັບເປົ້າໝາຍ ຈຳນວນ 4 ຄົນນີ້ ແລະ ໄດ້ນຳຕົວຂຶ້ນມາ ສອບສວນຢູ່ກອງບັນຊາການ ປກສ ເມືອງໄຊທານີ ພວກກ່ຽວໃຫ້ການຮັບສາລະພາບວ່າ: ຢ າ ທີ່ເຈົ້າໜ້າທີ່ກວດພົບເປັນຂອງພວກກ່ຽວແທ້ ນອກນັ້ນຍັງມີຂອງກາງອີກຈຳນວນໜຶ່ງຄື: ເງີນຮ້ອຍລ້ານກວ່າກີບ, ເງິນບາດ 378,0000 ບາດ, ວັດຖຸຄ້າຍຄືຄໍາ ຈໍານວນໜຶ່ງ,

    ລົດແລນຄູເຊີ ປຣາໂດ ສີຂາວເລກທະບຽນ ອດ 4555 ກຳແພງນະຄອນ, ລົດໃຫ່ຍຍີ່ຫໍ້ຟໍຈູນເນີອໍເນວ ສີຂາວ ເລກທະບຽນ ຫດ 3838 ກໍາແພງນະຄອນ, ລົດໃຫ່ຍຍີ່ຫໍ້ ແຣງໂຣເວີ ສີຂາວ ເລກທະບຽນ ມມ 1112 ກໍາແພງນະຄອນ, ໂທລະສັບ 3 ໜ່ວຍ ມາດຳເນີນຄະດີຕາມລະບຽບກົດໝາຍ.

    ກອງບັນຊາການ ປກສ ນະຄອນຫຼວງວຽງຈັນ ຮຽກຮ້ອງມາຍັງພໍ່ແມ່ປະຊາຊົນ ໃຫ້ປະກອບສ່ວນສິດ ແລະ ພັນທະຂອງຕົນເຂົ້າໃນວຽກງານປົກປັກຮັັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍໃນສັງຄົມ ຖ້າພົບເຫັນການກະທຳຜິດກົດໝາຍ ໃຫ້ແຈ້ງຕໍ່ເຈົ້າໜ້າທີ່ ຫຼື ເບີວອດແອບ 020 228899774 ຫຼື ເຟັສບຸກປ້ອງກັນຄວາມສະຫງົບ ນະຄອນຫຼວງວຽງຈັນ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.