ກັກຕົວໄວລຸ້ນ 3 ຄົນ ຂັບຂີ່ລົດກວນເມືອງ ໃນຂະນະເຈົ້າໜ້າທີ່ອອກກວດກາລາດຕະເວນ

    0
    497

    ກັກຕົວໄວລຸ້ນ 3 ຄົນ ຂັບຂີ່ລົດກວນເມືອງ ໃນຂະນະເຈົ້າໜ້າທີ່ອອກກວດກາລາດຕະເວນ

    ວັນທີ 17 ທັນວາ ເວລາ 20:40 ໂມງ ກໍາລັງກອງພັນປ້ອງກັນເຄື່ອນທີ່ໄວ ປກສ ນະຄອນຫຼວງວຽງຈັນ ໄດ້ອອກກວດກາລາດຕະເວນ 4 ເມືອງໃນນະຄອນຫຼວງວຽງຈັນ ພໍຮອດເສັ້ນທາງ ເຕ້ 2 ເຂດປ້ຳນ້ຳມັນທົ່ງຕູມ ພົບເຫັນໄວລຸ້ນຈໍານວນ 3 ຄົນ ຍິງ 1 ຄົນ ມີທ່າທີ່ພິລຸດຕ້ອງສົງໄສຂັບຂີ່ລົດ ທີ່ດັດແປງສະພາບເຕັກນິກ ກຳລັງຈະເອົາຕົວລົບໜີດັ່ງນັ້ນທາງເຈົ້າໜ້າທີ່ຈື່ງໄດ້ເຂົ້າກັກຕົວເພື່ອສອບຖາມ.

    ພາຍຫຼັງເຈົ້າໜ້າທີ່ກວດຄົ້ນຕົວພວກກ່ຽວ ພົບເຫັນກະໂພກໝາກບານຈຳນວນ 5 ໜ່ວຍ, ມີດນ້ອຍ 1ດວງ, ໄມ້ເບສບອນ 1 ອັນ ແລະ ດັດແປງສະພາບເຕັກນິກ ໂດຍໃສ່ທໍ່ທີ່ມີສຽງດັງ, ບໍ່ໃສ່ແວ່ນສອງຂ້າງ, ບໍ່ໃສ່ປ້າຍທະບຽນ ດັ່ງນັ້ນຈື່ງໄດ້ນໍາເອົາຜູ້ກ່ຽວ ພ້ອມລົດຄັນດັ່ງກ່າວ ມາກອງພັນປ້ອງກັນເຄື່ອນທີ່ໄວ ປກສ ນະຄອນຫວຼງວຽງຈັນ ເພື່ອສອບສວນ.

    ພາຍຫຼັງເອົາຂໍ້ມູນສໍາເລັດແລ້ວແມ່ນຈະໄດ້ເຊີນຄອບຄົວຂອງພວກກ່ຽວ ເຂົ້າມາເຮັດບົດບັນທຶກ ແລະ ສຶກສາອົບຮົມກ່ອນຈະມອບໃຫ້ຜູ້ປົກຄອງສືບຕໍ່ຕິດຕາມການປະພຶດ ສ່ວນລົດຈັກຄັນດັ່ງກ່າວ ແມ່ນຈະເກັບຮັກສາໄວ້ກ່ອນເພື່ອໃຫ້ຜູ້ກ່ຽວນໍາເອກະສານລົດມາຢັ້ງຢືນ ແລະ ສ້ອມແປງຄືນສູ່ສະພາບເດີມຈື່ງຈະມອບຄືນໃຫ້.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.