ແຂວງ ວຽງຈັນ ໃຫ້​ຜູ້ຕິດເຊື້ອໂ ຄ ວິ ດ ຮັບຜິດຊອບຄ່າ ອາຫານ ແລະ ນຳ້ດື່ມໃນໄລຍະປິ່ນປົວ

    0
    198

    ໃນໄລຍະຜ່ານມາ ທາງພາກລັດ ແລະ ອົງການຈັດຕັ້ງສາກົນ ກໍ່ໃຫ້ການສະໜັບສະໜູນ ດ້ານງົບປະມານເຂົ້າໃນ ວຽກງານຄວບຄຸມ ແລະ ແກ້ໄຂສະພາບການລະບາດເຊື້ອພະຍາດໂຄວິດ-19  ເຊັ່ນ: ທາງອົງການກາແດງສະວິດ ໄດ້ສະໜັບສະໜູນຄ່າອາຫານ ສໍາລັບຜູ້ຕິດເຊື້ອ ຢູ່ຕາມໂຮງໝໍແຂວງ ຫຼື ສູນປິ່ນປົວແຕ່ລະເມືອງ ມາຕະຫຼອດ, ແຕ່ມາຮອດປະຈຸບັນທາງອົງການກາແດງໄດ້ຢຸດ ສະໜັບສະໜູນໂຈະສະໜອງອາຫານ, ນ້ຳດື່ມ ແລະ ເຄື່ອງໃຊ້ພື້ນຖານໃຫ້ແກ່ສູນປິ່ນປົວແຕ່ລະເມືອງ ຢູ່ແຂວງວຽງຈັນ.

    ຕໍ່ສະພາບການໂຈະສະໜັບສະໜູນດັ່ງກ່າວ, ຄະນະສະເພາະກິດເພື່ອປ້ອງກັນການລະບາດຂອງພະຍາດ ໂຄວິດ-19​ ແຂວງ​ວຽງຈັນ ຈຶ່ງຈຳເປັນຕ້ອງໄດ້ຮຽກຮ້ອງມາຍັງ ຜູ້ທີ່ຕິດເຊື້ອພະຍາດໂຄວິດ-19 ທີ່ຈະມາປິ່ນປົວຢູ່ໂຮງໝໍແຂວງ ຫຼື ສູນປິ່ນປົວແຕ່ລະເມືອງ ປະກອບສ່ວນຊ່ວຍຄ່າອາຫານ,ນ້ຳດື່ມ ແລະ ຢາປີ່ນປົວ ຈໍານວນໜຶ່ງ ຊຶ່ງຈະໄດ້ເລີ່ມຈັດຕັ້ງປະຕິບັດນັບຕັ້ງແຕ່ ວັນທີ 13 ທັນວາ 2021 ເປັນຕົ້ນໄປ ໂດຍລະບຸໄວ້ວ່າ:

    ຜູ້ທີ່ຕິດເຊື້ອພະຍາດໂຄວິດ-19 ທີ່ນອນປີ່ນປົວຢູ່ສູນຕ່າງໆພາຍໃນແຂວງ ແມ່ນຈະໄດ້ຈ່າຍຄ່າອາຫານ, ຄາບເຂົ້າ ແລະ ຄ່ານ້ຳດື່ມດ້ວຍຕົນເອງ. ໂດຍກໍານົດ ຄ່າອາຫານ 35.000 ກີບ/ຄົນ/ມື້ (ອາຫານສາມຄາບ), ຄ່ານ້ຳດື່ມ 7.000ກີບ/ຄົນ/ມື້​ ໄລຍະນອນປິ່ນປົວຜູ້ທີ່ມີອາການປົກກະຕິແມ່ນ 14 ວັນ ລວມມູນຄ່າ 588.000 ກີບ/ຄົນ, ກໍລະນີຜູ້ທີ່ຕິດເຊື້ອບໍ່ຫາຍດີຕາມກໍານົດ ແມ່ນຈະໄດ້ສືບຕໍ່ປິ່ນປົວ ແລະ ຈະໄດ້ຈ່າຍເພີ່ມອີກຕາມວັນທີ່ນອນປິ່ນປົວຕົວຈີງ.

    ໃນນັ້ນ ພາກສ່ວນໂຮງຈັກ, ໂຮງງານ ຫຼື ສະຖານທີ່ຕ່າງໆທີ່ມີສະມາຊິກ, ກຳມະກອນ ກໍລະນີເກີດລະບາດຢູ່ສະຖານທີ່ດັ່ງກ່າວແມ່ນໃຫ້ພົວພັນທາງເຈົ້າໜ້າທີ່ ທີ່ກ່ຽວຂ້ອງ ເພື່ອຈັດຕັ້ງໂຮງໝໍພາກສະໜາມປິ່ນປົວຢູ່ກັບທີ່ ສ່ວນຄ່າໃຊ້ຈ່າຍຕ່າງໆແມ່ນມອບໃຫ້ພາກສ່ວນກ່ຽວຂ້ອງເປັນຜູ້ຮັບຜິດຊອບເອງ.

    ສ່ວນ ບັນດາສຳນັກງານ, ອົງການ, ພະແນກການ, ກົມກອງ, ລັດວິສາຫະກິດ, ບັນດາຫົວໜ່ວຍທຸລະກິດຕ່າງໆໃຫ້ມີມາດຕະການປ້ອງກັນຕົນເອງ, ຖ້າຫາກພະນັກງານທີ່ສັງກັດຢູ່ໃນຄວາມຮັບຜິດຊອບຂອງຕົນ ຫາກມີກໍລະນີຜູ້ຕິດເຊື້ອ ແມ່ນຈະໄດ້ມອບໃຫ້ພາກສ່ວນດັ່ງກ່າວ ເປັນຜູ້ຮັບຜິດຊອບຄ່າອາຫານ, ຄາບເຂົ້າ ແລະ ຄ່ານ້ຳດື່ມດ້ວຍຕົນເອງ, ທາງພາກລັດແມ່ນຈະໄດ້ຮັບຜິດຊອບແຕ່ ສະຖານທີ່ປິ່ນປົວ, ຢາປົວພະຍາດ ແລະ ອຳນວຍຄວາມສະດວກຕ່າງໆໃນການຮັບເຂົ້າສູນ ປິ່ນປົວ.

    ສໍາລັບ ຜູ້ທີ່ມີເງື່ອນໄຂ ຫຼື ບໍ່ສະດວກທີ່ຈະເຂົ້າໄປປິ່ນປົວຢູ່ໃນສູນ,​ ທາງຄະນະສະເພາະກິດແຂວງ ແລະ ເມືອງໄດ້ກໍານົດໄວ້ ແມ່ນສາມາດປີ່ນປົວຢູ່ເຮືອນ ຫຼື ໂຮງແຮມ. ສະເພາະຜູ້ມີເງື່ອນໄຂດ້ານເສດຖະກິດ ໂດຍມີວິຊາການແພດປິ່ນປົວປະຈຳ, ແຕ່ທາງພາກສ່ວນກ່ຽວຂ້ອງຕ້ອງໄດ້ຮັບຜິດຊອບຄ່າໃຊ້ຈ່າຍພັກເຊົາ ຕາມລາຄາທີ່ທາງໂຮງແຮມໄດ້ ກຳນົດໄວ້.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.