ເມືອງເຟືອງ ສຳຫຼວດ! ສ້າງແຜນພັດທະນາທ່ອງທ່ຽວ

    0
    140

    ທ່ານນາງ ແພງຈັນ ແພງເມືອງ ຫົວຫນ້າກົມແຜນການ ແລະການຮ່ວມມືສາກົນ, ທ່ານ ນາງ ພອນມະລີ ອິນທະພົມຫົວຫນ້າກົມພັດທະນາການທ່ອງທ່ຽວກະຊວງຖະແຫຼງຂ່າວວັດທະນະທໍາ ແລະທ່ອງທ່ຽວພ້ອມດ້ວຍທີມງານ 6 ທ່ານ ສົມທົບກັບຫົວຫນ້າພະແນກ ຖວທ ແຂວງ ວຽງຈັນ ໄດ້ລົງມາສໍາຫຼວດ ແລະເກັບກໍາຂໍ້ມູນເບື້ອງຕົ້ນເພື່ອສ້າງແຜນພັດທະນາການທ່ອງທ່ຽວຂອງ ເມືອງເຟືອງ ແຂວງວຽງຈັນ ສໍາລັບປີ 2022-2030.

    .


    ສະພາບການພັດທະນາແຫຼ່ງທ່ອງທ່ຽວຢູ່ພາຍໃນເມືອງເປັນຕົ້ນແມ່ນ ລຽບສາຍນ້ຳລີກເປັນທີ່ສົນໃສໃຫ້ແກ່ຜູ້ມາລົງທຶນ.
    ນອກຈາກນີ້ກໍ່ມີ ສະຖານທີ່ທາງປະຫວັດສາດ ແລະວັດທະນະທໍາອີກຈໍານວນຫນຶ່ງທີ່ກໍາລັງຖືກບູລະນະ, ປັບປຸງຄືນໃຫມ່ໃຫ້ເປັນທີ່ທ່ຽວຊົມ ແລະສຶກສາຫາຄວາມຮູ້.ນອກຈາກນີ້ກໍ່ມີ ສະຖານທີ່ທາງປະຫວັດສາດ ແລະວັດທະນະທໍາອີກຈໍານວນຫນຶ່ງທີ່ກໍາລັງຖືກບູລະນະ, ປັບປຸງຄືນໃຫມ່ໃຫ້ເປັນທີ່ທ່ຽວຊົມ ແລະສຶກສາຫາຄວາມຮູ້.

    ຈາກນັ້ນທີມງານກໍ່ໄດ້ສືບຕໍ່ລົງເກັບກໍາຂໍ້ມຸນຢູ່ຫນ້າເຂື່ອນນ້ຳລີກ 1-2 ຊຶ່ງມີຮ້ານອາຫານ, ບ່ອນບໍລິການຊື້-ຂາຍປາ, ກ້ອງເຂື່ອນໄຟຟ້າຈຸດປ່ອຍເຮືອ, ແພ, ກົງເບັງ ຂອງນັກທ່ອງທ່ຽວ, ດອນກາງລຽບຕາມສາຍນໍ້າລີກເປົ້າຫມາຍຈະສ້າງເປັນແຫຼ່ງທ່ອງທ່ຽວໃນອະນາຄົດ,
    ຈາກ ນັ້ນໄດ້ໄປເບິ່ງເສັ້ນທາງຈຸດບ້ານນາບອນ-ວັງວຽງຊຶ່ງ ເປັນເສັ້ນທາງເຊື່ອມຕໍ່ເມືອງມີໄລຍະທາງ 38 ກິໂລແມັດ ໃນອະນາຄົດເສັ້ນທາງນີ້ຈະອໍານວຍຄວາມສະດວກແກ່ນັກທ່ອງທ່ຽວຈະເດີນທາງຈາກວັງວຽງຫາເມືອງ ເຟືອງ, ແລະສໍາຫຼວດເກັບກໍາຂໍ້ມູນຢູ່ສະຖານທີ່ຫໍສີລາກົກແຕ້ຈາລຶກຄວາມແຄ້ນຂອງຊາວເມືອງເຟືອງທີ່ລູກແຫຼ້ງຕີນມືຈັກກະພັດຜູ້ຂາຍຊາດນໍາເອົານັກປະຕິວັດຜູ້ ຮັກຊາດມາເຂັ່ນຂ້າ ທຸບຕີ ທໍລະມານ ປະຫານຊີວິດ ຈໍານວນ 15 ທ່ານ.

    ນອກນີ້, ຍັງໄດ້ໄປທ່ຽວຊົມນໍ້າລີກວິວກາເມັ້ນລີສອດ, ຫາດດອນກາງ ເມືອງເຟືອງ, ເຮືອນລາວເມືອງເຟືອງ, ໄປເບິ່ງສິມເກົ່າອາຍຸ 200 ກວ່າປີ ວັດສາມຫມື່ນ, ວັດສິນ ໄຊຍະຣາມ, ຜາຫຼວງ, ຜາດິນຈີ່ ວັດຜາສັງ ຕໍານານນິທານສັງ ສິນໄຊ, ອ່າງເກັບນໍ້າຫວຍເດື່ອຫ່າງຈາກສໍານັກງານ 20 ກວ່າກິໂລແມັດ, ໂດຍການນໍາພາຂອງຄະນະຫ້ອງການຖະແຫຼງຂ່າວວັດທະນະທໍາ ແລະທ່ອງທ່ຽວເມືອງເຟືອງ.
    ——————————————-
    ແຫຼ່ງຂໍ້ມູນ: ເສດຖະກິດສັງຄົມ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.