ເດັກນ້ອຍ 2 ຄົນ ພົບພຣະພຸດທະຮູບ 34 ອົງ

    0
    39

    ເດັກນ້ອຍ 2 ຄົນ ພົບພຣະພຸດທະຮູບ 34 ອົງ ທີ່ພູຜາປາດ ເມືອງຍົມມລາດ ແຂວງຄຳມ່ວນ

    ຕາມການລາຍງານຂອງການຈັດຕັ້ງບ້ານຍົມມະລາດໃຕ້ ເມືອງຍົມມະລາດ ແຂວງຄຳມ່ວນ ໃຫ້ຮູ້ວ່າ: ໃນວັນທີ 8 ທັນວາ 2021 ທ້າວ ຕີ ໄຊພິທັກ ອາຍຸ 12 ປີ ແລະ ທ້າວ ຕີ ຄູນວິໄລ ອາຍຸ 11 ປີ ໄດ້ພາກັນໄປຫາກິນ ( ໄປຍິງເຈຍ ) ຈຶ່ງໄດ້ພົບເຫັນພຣະພຸດທະຮູບດັ່ງກ່າວ.

    ຫຼັງຈາກນັ້ນທັງ 2 ຄົນໄດ້ພາກັນມາເຮືອນແລ້ວບອກໃຫ້ທ້າວ ພູ ຄູນວິໄລ ແລະ ທ້າວ ຄຳພາ ໄຊພິທັກ ເຊິ່ງເປັນພໍ່ຂອງເດັກທັງ 2 ຄົນ ວ່າຕົນໄດ້ພົບເຫັນພຣະພຸດທະຮູບທີ່ຖ້ຳດັ່ງກ້າວ. ເມື່ອທ້າວ ພູ ແລະ ທ້າວ ຄຳພາ ໄດ້ແຈ້ງໃຫ້ການຈັດຕັ້ງບ້ານເພື່ອລົງໄປເບິ່ງຕົວຈິງ.

    ຜ່ານການກວດກາຕົວຈິງເຫັນວ່າແມ່ນມີພຣະພຸດທະຮູບແທ້ ເຊິ່ງໃນນັ້ນມີພຣະພຸດທະຮູບຈຳນວນ 34 ອົງ, ການ້ຳ 1 ອັນ ການຈັດຕັ້ງບ້ານຈຶ່ງໄດ້ສະເໜີມາຍັງ ຫ້ອງການທີ່ກ່ຽວຂ້ອງເພື່ອຫາວິທີເກັບຮັກສາ.

    ຕໍ່ມາ ໃນວັນທີ 12 ທັນວາ 2021 ອຳນາດການປົກຄອງຂັ້ນເມືອງ, ຂັ້ນບ້ານ ແລະ ພໍ່ແມ່ປະຊາຊົນບ້ານຍົມມະລາດໃຕ້ ໄດ້ພ້ອມກັນໄປນຳເອົາພຣະພຸດທະຮູບດັ່ງກ່າວ ມາປະດິດສະຖານທີ່ວັດສີບຸນເຮືອງບ້ານຍົມມະລາດໃຕ້ ເຊິ່ງນຳໂດຍ ທ່ານ ນ ບຸນຕາ ບຸດສີດາ ຄະນະປະຈຳພັກເມືອງ, ຫົວໜ້າຄະນະຈັດຕັ້ງເມືອງ

    ມີບັນດາທ່ານອຳນາດການປົກຄອງບ້ານ, ເຖົ້າຂຸນແນວໂຮມ, ຫ້ອງການທີ່ກ່ຽວຂ້ອງຂັ້ນເມືອງ ແລະ ປະຊາຊົນບ້ານຍົມມະລາດໄຕ້ເຂົ້າຮ່ວມສັກກະລະບູຊາ.

    ຂ່າວ-ພາບ: ຫ້ອງການ ຖວທ ເມືອງຍົມມະລາດ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.