ສາຍພັນ ໂອໄມຄຣອນ ສາມາດແຜ່ ເຊື້ອໄດ້ງ່າຍ 3-3,5 ເທົ່າທຽບກັບສາຍພັນ ດັ່ງເດີມ ແລະ ເດວຕາ

    0
    116

    ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ແຈ້ງໃຫ້ຮູ້ວ່າ: ນັກວິທະຍາສາດໄດ້ຄົ້ນຄວ້າກ່ຽວກັບຄວາມຮ້າຍແຮງຂອງສາຍພັນໂອໄມຄຣອນ ພົບວ່າ: ເຖິງແມ່ນວ່າສາຍພັນພະຍາດໂຄວິດ-19 ໂອໂມຄຣອນຈະສາມາດແຜ່ເຊື້ອໄດ້ງ່າຍເຖິງ 3-3,5 ເທົ່າຖ້າທຽບກັບສາຍພັນດັ່ງເດີມ ແລະ ເດວຕາ

    ກໍຕາມ ແຕ່ວ່າອາການຂອງບັນດາຄົນເຈັບທີ່ຕິດເຊື້ອຈາກສາຍພັນນີ້ກໍ່ຍັງສັງເກດໄດ້ວ່າຍັງເບົາບາງ ຫາປານກາງ (ບໍ່ຮ້າຍແຮງ) ແລະ ເມື່ອສົມທຽບອັດຕາການເສຍຊີວິດຈາກສາຍພັນດັ່ງກ່າວນີ້ຍັງຕໍ່າ ມີພຽງແຕ່ 6% ຊຶ່ງສາຍພັນທີ່ແຜ່ເຊື້ອໃນໄລຍະຜ່ານມາມີອັດຕາການເສຍຊີວິດສູງເຖິງ 17% ແຕ່ພົບຜູ້ເສຍຊີວິດຈາກສາຍພັນ ໂອໄມຄຣອນນັ້ນແມ່ນເປັນໄວໜຸ່ມອາຍຸ ລະຫວ່າງ 20 – 40 ປີ, ນອກນັ້ນຜູ້ຕິດເຊື້ອສາຍພັນນີ້ເມື່ອເຂົ້າໄປປິ່ນປົວນັ້ນກໍ່ມີອາການດີຂຶ້ນໄວ ຫຼື ຮັກສາຫາຍດີໄດ້ໄວກວ່າສາຍພັນທີ່ແຜ່ເຊື້ອກ່ອນໜ້າ

    ນີ້ ເຊັ່ນ: ສາຍພັນເດວຕາ ແລະ ຄາດວ່າສາຍພັນນີ້ຈະສ້າງຄວາມເສຍຫາຍໄດ້ໜ້ອຍກວ່າສາຍພັນເດວຕາ ແຕ່ວ່າມັນສາມາດຕິດໄດ້ຊໍ້າໄປຊໍ້າມາ ຫຼື ຫຼາຍຄັ້ງ.ຄະນະສະເພາະກິດໃຫ້ຮູ້ຕື່ມວ່າ: ແຕ່ສາຍພັນດັ່ງກ່າວນີ້ອາດຮ້າຍແຮງຂຶ້ນຖ້າເກີດຈາກຜູ້ສູງອາຍຸ ແລະ ຜູ້ມີພະຍາດປະຈໍາຕົວ. ຢູ່ປະເທດລາວຍັງບໍ່ກວດພົບຜູ້ຕິດເຊື້ອສາຍພັນດັ່ງກ່າວເທື່ອ

    ຍັງແມ່ນສາຍພັນດັ່ງເດີມ. ສະເພາະສະພາບການຕິດເຊື້ອພາຍໃນປະເທດລາວຍັງມີອັດຕາສູງເຖີງ 24% ໝາຍຄວາມວ່າຜູ້ກວດຫາເຊື້ອ 100 ຄົນຈະກວດພົບຜູ້ຕິດເຊື້ອ 24 ຄົນ ແລະ ຈໍານວນຜູ້ຕິດເຊື້ອຍັງພົບຢູ່ໃນຖັນແຖວພະນັກງານທີ່ເຮັດວຽກຢູ່ປ້ອມດ່ານໜ້າເຊັ່ນ: ເຈົ້າໜ້າທີ່ຕໍາຫຼວດ, ເຈົ້າໜ້າທີ່ຢູ່ສູນຈໍາກັດບໍລິເວນ, ຢູ່ດ່ານຕ່າງໆລວມທັງແພດໝໍທີ່ໃຫ້ບໍລິການປະຊາຊົນ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.