ຫາກນອກໃຈ 1 ເທື່ອ ແນ່ນອນວ່າ ຍ່ອມມີຄັ້ງຕໍ່ໄປ ແມ່ນແທ້ບໍ່ ?

    0
    511

    ວັນນີ້ເຮົາມີເລື່ອງລາວຄວາມຮັກ ແລະການໃຊ້ຊີວິດຄູ່ຮັກທີ່ແຕ່ງງານກັນແລ້ວ ເລື່ອງຂອງຄວາມຊື່ສັດ ຄົນເຄີຍນອກໃຈກັນ ເຮັດແນວໃດກໍບໍ່ມີທາງຊື່ສັດ ມີເທື່ອທຳອິດ ຕ້ອງມີເທື່ອຕໍ່ໄປ ຖ້າຈະໃຫ້ເວົ້າເຖິງເລື່ອງຄວາມຮັກແລ້ວນັ້ນ ເປັນສິ່ງທີ່ໃຜກໍບໍ່ຢາກໃຫ້ເກີດຂຶ້ນກັບໂຕເອງ ນັ້ນກໍຄືໃນເລື່ອງຂອງ ການຖືກນອກໃຈ

    ເພາະມັນເປັນເລື່ອງທີ່ສື່ວ່າ ການທີ່ຄົນເຮົາຮັກກັນແລ້ວ ສະແດງອາການນອກໃຈນັ້ນ ເປັນການທຳຮ້າຍຈິດໃຈເຊິ່ງກັນແລະກັນຫລາຍ ເສັ້ນທາງການວິໄຈ ໄດ້ເປີດເຜີຍ ແລະໃຫ້ຂໍ້ມູນວ່າ ຫາກຄົນເຮົາເຄີຍນອກໃຈ1ຄັ້ງ ແນ່ນອນວ່າຍ່ອມມີຄັ້ງຕໍ່ໆໄປຢ່າງແນ່ນອນ ແລະສິ່ງທີ່ຈະໄດ້ກັບຄືນມາ ນັ້ນກໍຄືຄວາມຊື່ສັດຂອງອີກຝ່າຍຫນຶ່ງ ຈະຕ້ອງຄອຍລະແວງໄປຕະຫລອດ ແລະຈອບຈັບຜິດໄປຕະຫລອດ ເຮົາໄປເບິ່ງລາຍລະອຽດກ່ຽວກັບເລື່ອງນີ້ກັນ ເຮົາໄດ້ຮວກຮວມ ມາໃຫ້ທ່ານຜູ້ອ່ານໄດ້ເຮັດຄວາມເຂົ້າໃຈເປັນທີ່ຮຽບຮ້ອຍແລ້ວ

    ໂດຍເວັບໄຊ Nature ໄດ້ລາຍງານຜົນການວິໄຈຂອງ Neil Garret ແລະທີມງານຈາກສະຖາບັນວິໄຈ ແລະທົດລອງດ້ານຈິດວິທະຍາຂອງລອນດອນ ພວກເຂົາມີຂັ້ນຕອນການວິໄຈດັ່ງນີ້ ອາສາສະຫມັກທີ່ເປັນຄູ່ຮັກກັນມາ ແບ່ງເປັນສອງຝາກ ຝາກຫນຶ່ງເບິ່ງເຫັນພາບບໍ່ແຈ້ງ ຈຶ່ງຕ້ອງໄດ້ເດົາວ່າ ມີຫລຽນຢູ່ໃນໂຖ ຈັກຫລຽນ ສ່ວນອີກຝາກຫນຶ່ງເບິ່ງເຫັນພາບຊັດເຈນຕ້ອງຄອນໃຫ້ການຊ່ວຍເຫລືອຄົນຮັກ ທີ່ເປັນຄົນເດົາ ຈຳນວນຂອງຫລຽນທັ່ງຫມົດ ນັກວິໄຈໄດ້ຕັ້ງເງື່ອນໄຂໄວ້ວ່າຖ້າຫາກອາສາສະຫມັກຝ່າຍທີ່ເດົາຈຳນວນຫລຽນເດົາຜິດ ອີກຝ່າຍຫນຶາງຈະໄດ້ລາງວັນຫລາຍກວ່າ

    ແນ່ນອນວ່າອາສາສະຫມັກສ່ວນໃຫຍ່ເລືອກທີ່ຈະບໍ່ບອກຄວາມຈິງກັບຄົນຮັກຂອງໂຕເອງ ຈາກການທົດລອງ ກັບອາສາສະຫມັກກຸ່ມດັ່ງກ່າວ ແລະການສັງເກດຜົນ ການເຮັດວຽກຂອງສະຫມອງ ສ່ວນ Amygdala ເຮັດໃຫ້ທີມນັກວິໄຈ ໄດ້ອະທີບາຍເຖິງພຶດຕິກຳຂອງຜູ້ທີ່ມີນິໄສຂີ້ຕັວະຕໍ່ຄູ່ຮັກວ່າ ເມື່ອຄົນເຮົາຮູ້ທີ່ຈະຕວັະເທື່ອທຳອິດແລ້ວ ຄັ້ງຕໍ່ໄປ ເມື່ອພວກເຂົາຂີ້ຕວັະຈະຮູ້ສຶກຜິດນ້ອຍລົງ

    ເຊິ່ງເປັນຜົນມາຈາກການເຮັດວຽກໃນສະຫມອງຂອງພາກສ່ວນທີ່ເອີ້ນວ່າ Amygdala ເຊິ່ງເປັນສ່ວນທີ່ຖ້າຕອບສະຫນອງ ຕໍ່ປະຕິກິລິຍາ ແລະພຶດຕິກຳໃນເຊິງລົບຂອງມະນຸດ ທຸກເທຶ່ອທີ່ເຮົາເວົ້າຂີ້ຕວັະ ງານວິໄຈສະແດງໃຫ້ເຫັນວ່າ ບໍລິເວນສ່ວນນີ້ຂອງສະຫມອງ ຈະມີປະຕິກິລິຍາຕອບສະຫນອງທີ່ຕໍ່າລົງເລື້ອຍໆ

    ເປັນເລື່ອງລາວດີໆ ທີ່ເຮົານຳເອົາມາຝາກກັນ ຄວາມຮັກເປັນເລື່ອງຂອງຄົນທັງສອງຄົນ ແລະເປັນເລື່ອງທີ່ຄົນນອກອາດຈະບໍ່ເຂົ້າໃຈ ມີແຕ່ຄົນສອງຄົນເທົ່ານັ້ນທີ່ຮູ້ວ່າເກີດເຫດຫຍັງຂຶ້ນ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.