ປກສ ກຸ່ມເກົ້າລ້ຽວ ກັກຕົວເປົ້າໝາຍລັກຊັບພົນລະເມືອງ ພ້ອມເກັບກູ້ຂອງກາງຄືນມາໄດ້

    0
    173

    ປກສ ກຸ່ມເກົ້າລ້ຽວ ກັກຕົວເປົ້າໝາຍລັກຊັບພົນລະເມືອງ ພ້ອມເກັບກູ້ຂອງກາງຄືນມາໄດ້ ທ້າວ ໄຊວິໄລ ອາຍຸ 31 ປີ, ອາຊີບກຳມະກອນ ພັກເຊົາຢູ່ບ້ານດົງຊຽງດີ ເມືອງນາຊາຍທອງ ນະຄອນຫຼວງວຽງຈັນ ຖືກເຈົ້າໜ້າທີ່ ປກສ ກຸ່ມເກົ້າລ້ຽວ ເມືອງສີໂຄດຕະບອງ ກັກຕົວມາດຳເນີນຄະດີ ໃນຂໍ້ຫາລັກຊັບພົນລະເມືອງ.

    ພັທ ບຸນຫຼີ ຊາພັກດີ ຫົວໜ້າ ປກສ ກຸ່ມເກົ້າລ້ຽວ ໃຫ້ຮູ້ວ່າ: ໃນວັນທີ 6 ທັນວາ 2021, ໄດ້ຮັບແຈ້ງຄວາມຈາກຜູ້ເສຍຫາຍວ່າ: ມີຄົນມາລັກເອົາລົດຈັກຂອງຕົນໄປ ຍີ່ຫໍ້: ຊູຊູກິສະແມັດ ທະບຽນ ຍຕ 8301 ກໍາແພງນະຄອນ ທີ່ຈອດໄວ້ໜ້າເຮືອນ ຈາກນັ້ນ, ເຈົ້າໜ້າທີ່ ປກສ ກຸ່ມເກົ້າລ້ຽວ ຈິ່ງໄດ້ຕິດຕາມເປົ້າໝາຍ. ມາຮອດວັນທີ 8 ທັນວາ 2021 ຈິ່ງໄດ້ເຂົ້າກັກຕົວ ທ້າວ ໄຊວິໄລ ຢູ່ເຂດບ້ານສີຊົມຊື່ນ ເມືອງສີໂຄດຕະບອງ ຂຶ້ນມາຫ້ອງການ ປກສ ກຸ່ມເກົ້າລ້ຽວ. ຜ່ານການສອບສວນເບື້ອງຕົ້ນ ຜູ້ກ່ຽວໄດ້ຮັບສາລະພາບວ່າ: ລົດຈັກທີ່ລັກໄປນັ້ນ ໄດ້ນໍາໄປຈໍາເອົາເງິນ ຢູ່ຮ້ານສ້ອມແປງລົດຈັກ ເຂດບ້ານໂນນຂີ້ເຫຼັກ ເມືອງສີໂຄດຕະບອງ. ຈາກນັ້ນ, ເຈົ້າໜ້າທີ່ ຈິ່ງໄດ້ນໍາເກັບກູ້ລົດຄັນດັ່ງກ່າວຄືນມາໄດ້.

    ປັດຈຸບັນ ເຈົ້າໜ້າທີ່ ປກສ ກຸ່ມເກົ້າລ້ຽວ ໄດ້ນໍາສົ່ງຕົວຜູ້ກ່ຽວໃຫ້ ປກສ ເມືອງສີໂຄດຕະບອງ ເພື່ອສືບສວນ-ສອບສວນ ຂະຫຍາຍຜົນຫາຊອກກຸ່ມແກ້ງຜູ້ຮ່ວມຂະບວນການ ມາດຳເນີນຄະດີຕາມກົດໝາຍ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.