ພຽງ 5 ມື້ມີຜູ້ມາຊື້ປີ້ລົດໄຟລາວ-ຈີນ 5,512 ຄົນ

    0
    516

    ລົດໄຟລາວຈີນ 5 ມື້ມີຜູ້ມາຊື້ປີ້ລົດໄຟລາວ-ຈີນ 5,512 ເທື່ອຄົນ

    ຫຼັງເປີດນໍາໃຊ້ລົດໄຟລາວ-ຈີນ 5 ມື້ຜ່ານມາມີຜູ້ມາຊື້ປີ້ລົດໄຟລາວ-ຈີນເຖິງ 5,512 ເທື່ອຄົນ, ທ່ານ ນາງຈູ່ຫຍິງຫົງ ຫົວໜ້າສະຖານີນະຄອນຫຼວງວຽງຈັນກ່າວໃຫ້ສໍາພາດໃນຕອນບ່າຍ 8 ທັນວາ 2021.

    ທ່ານຫົວໜ້າສະຖານີໃຫ້ຮູ້ວ່າ: ພາຍຫຼັງເປີດນໍາໃຊ້ລົດໄຟລາວ-ຈີນໃນວັນທີ 4 ທັນວາເຖິງປັດຈຸບັນນີ້ມີຜູ້ໂດຍສານທັງຄົນລາວ ແລະຕ່າງປະເທດມາໃຊ້ບໍລິການແລ້ວ 5,512 ເທື່ອຄົນ ແລະຜູ້ໂດຍສານຍັງສືບຕໍ່ມາໃຊ້ບໍລິການຂຶ້ນເລື້ອຍໆ.

    ທ່ານຫົວໜ້າກ່າວອີກວ່າ: ພະນັກງານຢູ່ສະຖານີນະຄອນຫຼວງວຽງຈັນມີຄົນລາວທັງໝົດ 51 ຄົນ ເຊິງໄດ້ແບ່ງໜ້າວຽກກັນຫຼາຍໜ້າທີ ເຫັນວ່າພວກເຂົາສາມາດເຮັດຫຼ້ອນໜ້າທີ່ ແລະມີລະດັບວິຊາການພຽງພໍສາມາດຕອບສະໜອງຄວາມຕ້ອງການໄດ້ ເຊິ່ງເປັນສິ່ງທີ່ໜ້າພູມໃຈຫຼາຍ.

    ນາງລ້ອມປະຊາຊົນນະຄອນຫຼວງວຽງຈັນກ່າວໃຫ້ສໍາພາດວ່າ: “ຕື່ນເຕັ້ນດີໃຈຫຼາຍທີ່ຈະໄດ້ຂີ່ລົດໄຟເປັນເທື່ອທໍາອິດ ແລະລົດໄຟຄັນທໍາອິກຂອງລາວແລະຈີນ”. ລາວຍັງເວົ້າວ່າ: “ຂ້ອຍເປັນແມ່ຄ້າສົ່ງອອກຖ່ານໄປຈີນ ແລະໄປແລ່ນເອກະສານສົ່ງອອກຢູ່ບໍ່ເຕັນເລື້ອຍໆ ເຫັນລົດໄຟລາວ-ຈີນນີ້ເປັນລົດໄຟທັນສະໄໝ ແລະຢອດຢ້ຽມແທ້ໆ, ຈະເຊີນຊວນຄອບຄົວ,ລູກຄ້າມາຂີ່ຕື່ມ, ບໍ່ເຄີຍຄິດວ່າລາວຈະມີລົດໄຟທັນສະໄໝປານນີ້, ມື້ໃດລາວ-ຈີນເປີດປະເທດເພື່ອທ່ອງທ່ຽວຈະຊວນໝູູ່ໄປທ່ຽວຈີນ ໄປເບິ່ງກໍາແພງເມືອງຈີນ”

    ທ້າວ ອາພິຍາ ປະຊາຊົນນະຄອນຫຼວງກ່າວວ່າ: “ຈະເດີນທາງໄປຫຼວງເຮັດວຽກຢູ່ຫຼວງພະບາງ ຮູ້ສຶກຕື່ນເຕັ້ນທີ່ໄດ້ຂີ່ເທື່ອທໍາອິດ ໃຈກໍ່ຍັງຢາກໄປທ່ຽວບໍ່ເຕັນ, ອຸດົມໄຊ ແລະປະເທດຈີນນໍາອີກຕາມເປົ້າໝາຍ, ເຫດຜົນທີ່ເລືອກໃຊ້ລົດໄຟກໍ່ຍ້ອນ ວ່ອງໄວສະດວກ ກົງເວລາ ລາຄາຖືກ ຖ້າທຽບໃສ່ໂດຍສານອື່ໆ, ສາມາດຂີ່ລົດສ່ວນຕົວໄປກໍ່ໄດ້ແຕ່ໃຊ້ເວລາດົນ”.

    ນາງວຽງຄໍາ ແລະນາງຟ້າ ມວນຊົນນະຄອນຫຼວງກ່າວວ່າ: ຈະໄປວຽກຢູ່ຫຼວງພະບາງ ເຫດຜົນທີ່ເລືອກໃຊ້ລົດໄຟຍ້ອນຢາກລອງຂີ່, ຍິນວ່າປະຫຍັດເວລາ, ປອດໄພ ແລະຈະກັນໜາວໄດ້ດີກວ່າລົດໂດຍສານປະເພດອື່ນ.

    ທີ່ມາ: CRI

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.