ການລະບາດຂອງໂ ຄ ວິ ດ ຍັງບໍ່ມີທ່າອ່ຽງຫຼຸດລົງ ແຕ່ປະຊາຊົນປະຕິບັດມາດຕະການທີ່ອອກມາຫຼຸດລົງ

    0
    303

    ທ່ານ ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະ ກ່າວວ່າສະພາບການລະບາດຂອງພະຍາດໂຄວິດ-19 ໃນທົ່ວໂລກ ຍັງບໍ່ມີທ່າອ່ຽງຫຼຸດລົງ ຫຼາຍປະເທດໃນໂລກຍັງສືບຕໍ່ປະຕິບັດມາດຕະການ ເພື່ອຮັບມື ແລະ ຢັບຢັ້ງການແຜ່ລະບາດ ຂອງພະຍາດດັ່ງກ່າວ ໂດຍສະເພາະ ສາຍພັນໃໝ່ໂອມິກຣອນທີ່ຈະຕ້ອງໄດ້ມີການຕິດຕາມຢ່າງໃກ້ຊິດ ເພາະອາດຈະມີການຕິດເຊື້ອເພີ່ມຂື້ນ ໃນລະດູໜາວທີ່ກຳລັງມາເຍືອນ.


    ໃນປັດຈຸບັນສັງຄົມແມ່ນມີຄວາມກັງວົນນຳການປະກົດຕົວຂອງສາຍພັນໃໝ່ຄື ໂອມິກຣອນ! ໃນໄລຍະ 3ເດືອນຜ່ານມາຫຼາຍປະເທດໃນໂລກແມ່ນທ່າອ່ຽງຂອງການລະບາດແມ່ນຫຼຸດລົງ ຫຼື ກຳລັງຈຶງຢູ່ຈຸດສູງສຸດກ່ອນຈະຄ່ອຍໆຫຼຸດລົງ, ອັດຕາການປົກຄຸມດ້ວຍວັກຊິກໃນຫຼາຍປະເທດແມ່ນສູງຂື້ນ ແຕ່ສັງເກດເຫັນວ່າປະຊົາຊົນມີການປະຕິບັດມາດຕະການທີ່ອອກມາຫຼຸດລົງ, ເຊັ່ນ: ການໃສ່ຜ້າປິດປາກ-ດັງ, ການຮັກສາໄລຍະຮ່າງ …


    ແຕ່ເຖີງຢ່າງໃດກໍຕາມພວກເຮົາໄດ້ສະສົມບົດຮຽນໃນການຄວບຄຸມການລະບາດຈາກສາຍພັນ ແດນຕາຊຶ່ງພວກເຮົາກຳລັງປະເຊີນຢູ່. ເຊິ່ງປະກອບດ້ວຍ 5 ມາດຕະການຫຼັກ.
    1) ການສັກວັກຊີນ ຊຶ່ງແມ່ນມາດຕະການທີ່ມີປະສິດຕິພາບສູງສຸດ.2) ມາດຕະການທາງດ້ານການແພດ ແລະ ສັງຄົມ.

    3) ມາດຕະການເຮົາຈະດູແລຄົນເຈັບຕິດເຊື້ອ;4) ການສືບຕໍ່ເຝົ້າລະວັງ ແລະ ຕິດຕາມສາຍພັນຢ່າງໃກ້ຊິດ ແລະ5) ມາດຕະການກວດການຈຸດຜ່ານແດນ.


    ດັ່ງນັ້ນ, 5 ມາດຕະການດັ່ງກ່າວແມ່ນຈະຕ້ອງໄດ້ເສື່ອມສານ ແລະ ປະສົມປະສານກັນຕາມສະພາບຄວາມເປັນຈີງຂອງແຕ່ລະ ປະເທດ, ເພື່ອພວກເຮົາຮຽນຮູ້ວ່າຈະຢູ່ກັບໂຄວິດ 19 ແນວໃດໃນໄລຍະຍາວ, ເຖີງວ່າອາດຈະມີການກັບມາ ຫຼື ເພີ້ມຂອງເຊືອໃນອານາຄົດ.


    ຕໍ່ສາຍພັນໃໝ່ omicron ນັ້ນ, ອີງຕາມ 5 ມາດຕະການທີ່ໄດ້ກ່າວມານັ້ນແມ່ນຍັງໄດ້ຮັບຜົນໃນການຄວບຄຸມການລະບາດໄດ້ຢູ່. ເມື່ອພວກເຮົາຫາກບັນລຸ ອັດຕາການສັກຢາສູງເກີນ 80%, ຮັກສາມາດຕະການທາງສັງຄົມ ແລະ ຮັບປະກັນວ່າຄົນເຈັບທີ່ມີການໜັກ ສາມາດເຂົ້າເຖີງມືແພດ ແລະ ຫຼີກລ້ຽງການຂ້າມເສັ້ນແດງ, ເມື່ອຮອດຈຸດນັ້ນປະເທດພວກເນົາກໍ່ສາມາດເປີດປະເທດ ແລະ ຟື້ນຟູເສດຖະກິດໃຫ້ກັບຄືນສູ່ສະພາບປົກກະຕິໂດຍໄວ!

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.