ປະຈຸບັນ ນະຄອນຫຼວງວຽງຈັນມີຜູ້ຕິ ດ ເ ຊື້ ອທີ່ໄດ້ແຍກປ່ຽວ ປິ່ນປົວຢູ່ເຮືອນກ່ວາ 4.000 ຄົນ

    0
    171

    ໃນວັນທີ 04/12/2021 ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ໄດ້ລາຍງານໃຫ້ຊາບວ່າ: ປັດຈຸບັນ

    ສະພາບການຕິດເຊື້ອທີ່ບົ່ມຊ້ອນໃນຊຸມຊົນ ຢູ່ປະເທດເຮົາ ຍັງຄົງໜ້າເປັນຫ່ວງທີ່ສຸດ ໝາຍຄວາມວ່າ ໃນຊຸມຊົນ ມີຜູ້ຖືເຊື້ອໄວຣັສໂຄວິດ-19 ຈໍານວນໜຶ່ງ ບໍ່ເຂັ້ມງວດໃນການກັກຕົວ ຍັງເດີນທາງໄປສະຖານທີ່ຕ່າງໆ ທີ່ມີຄົນຫຼາຍ ນີ້ອາດເປັນສາຍເຫດຕົ້ນຕໍ ທີ່ເຮັດໃຫ້ການລະບາດແກ່ຍາວ ແລະ ບໍ່ທັນມີທ່າອ່ຽງທີ່ຈະຢຸດຕິລົງເທື່ອ.

    ສໍາລັບນະຄອນຫຼວງ ຜູ້ຕິດເຊື້ອທີ່ໄດ້ແຍກປ່ຽວປີ່ນປົວຢູ່ເຮືອນ ປັດຈຸບັນມີຫຼາຍກວ່າ 4000 ຄົນ. ຄະນະສະເພາະກິດ ຂໍແນະນໍາໃຫ້ຜູ້ຕິດເຊື້ອ ແລະ ຜູ້ທີ່ເປັນ C1 ທຸກຄົນ ຈົ່ງໄດ້ປະຕິບັດການກັກຕົວຢ່າງເຂັ້ມງວດທີ່ສຸດ. ໂດຍສະເພາະ ຄອບຄົວຂອງທ່ານໃດ ທີ່ມີຜູ້ສູງອາຍຸ ຫຼື ບຸກຄົນທີ່ມີພະຍາດປະຈໍາຕົວນັ້ນ ທ່ານຈຳເປັນຕ້ອງແຍກ ແລະ ກັກຕົວເອງທັນທີ ພ້ອມທັງໄປກວດຫາເຊື້ອ.

    ສໍາລັບຜູ້ຕິດເຊື້ອຫຼາຍຄົນ ຖ້າຫາກຄອບຄົວທ່ານບໍ່ມີເງື່ອນໄຂ ໃນການແຍກປ່ຽວກັກຕົວແບບປອດໄພ ທ່ານຍັງມີທາງເລືອກໂຮງໝໍພາກສະໜາມ ຫຼື ໂຮງແຮມກັກກັນ ຊຶ່ງອາດຈະມີຄວາມສະດວກກວ່າ ເພາະຢູ່ພາຍໃຕ້ການຕິດຕາມຂອງແພດໝໍ ແລະ ຖ້າອາການຂອງທ່ານບໍ່ດີຂື້ນ ໂຮງໝໍສະໜາມຈະປະສານເພື່ອນໍາສົ່ງທ່ານເຂົ້າປິ່ນປົວໄດ້ໄວກວ່າ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.