ສນ 1191 ບ້ານດຸງແກ້ໄຂເປົ້າໝາຍລັກເຫຼັກກັ້ນຂອບທາງ 450 ປີ

    0
    410

    ສນ 1191 ບ້ານດຸງແກ້ໄຂເປົ້າໝາຍລັກເຫຼັກກັ້ນຂອບທາງ 450 ປີ

    ພັຕ ສິນທະໄລ ລຸນຈັນທາ ຮອງຫົວໜ້າສະຖານີຮັບແຈ້ງ ແລະ ແກ້ໄຂເຫດສຸກເສີນ (1191) ບ້ານດຸງ ໃຫ້ຮູ້ວ່າ: ເວລາປະມານ 12 ໂມງຂອງວັນທີ 27 ພະຈິກ 2021 ເຈົ້າໜ້າທີ່ໄດ້ຮັບແຈ້ງຄວາມຈາກພົນລະເມືອງວ່າ: ມີຄົນມາລັກເອົາເຫຼັກກັ້ນຂອບທາງ ຢູ່ຈຸດເສັ້ນທາງ 450 ປີ ຈຶ່ງໄດ້ນໍາກໍາລັງລົງຈຸດເກີດເຫດ ແລະ ກັກຕົວເປົ້າໝາຍໄດ້ 1 ຄົນ ຊື່ທ້າວ ໂຄລີ ອາຍຸ 37 ປີ ກໍາມະກອນ ຢູ່ບ້ານດຸງ ເມືອງໄຊເສດຖາ ນວ ມາສອບສວນ.

    ຜ່ານການສອບສວນເບື້ອງຕົ້ນ ທ້າວ ໂຄລີ ຮັບສາລະພາບວ່າ: ຕົນເອງເປັນຄົນລົງມືລັກເຫຼັກກັ້ນຂອບທາງແທ້; ເຊີ່ງຄັ້ງນີ້ເປັນຄັ້ງທີ 5 ພາຍຫຼັງໄດ້ເຫຼັກມາແລ້ວ ໄດ້ເອົາໄປຂາຍໃຫ້ຮ້ານຮັບຊື້ເຫຼັກເສດ ຢູ່ເຂດບ້ານດຸງ ແຕ່ລະຄັ້ງໄດ້ເງິນ 120.000 ກີບ ຕໍ່ 1 ແຜ່ນ, ປັດຈຸບັນ ເຈົ້າໜ້າທີ່ ສນ 1191 ບ້ານດຸງ ໄດ້ສົ່ງຕົວຜູ້ກ່ຽວໃຫ້ກອງບັນຊາການ ປກສ ເມືອງໄຊເຊດຖາ ສືບຕໍ່ດຳເນີນຄະດີຕາມລະບຽບກົດໝາຍ.

    ກອງບັນຊາການ ປກສ ນະຄອນຫຼວງວຽງຈັນ ຮຽກຮ້ອງມາຍັງພໍ່ແມ່ປະຊາຊົນ ຊ່ວຍກັນປົກປັກຮັກສາຊັບສິນສ່ວນລວມ ຖ້າພົບເຫັນປະກົດການຫຍໍ້ທໍ້ທີ່ເກີດຂຶ້ນໃຫ້ແຈ້ງຕໍ່ເຈົ້າໜ້າຢູ່ໃກ້ຄຽງ ຫຼື ຜ່ານເບີ ວອດແອັບ ປກສ ນະຄອນຫຼວງ 02028899774 ຫຼືຜ່ານຊ່ອງທາງເຟດສ໌ບຸກ ປ້ອງກັນຄວາມສະຫງົບ ນະຄອນຫຼວງວຽງຈັນ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.