ສົມໃຈແຟນບານແລ້ວ! ດ່ວນ ແມນຢູ ປົດຕໍາແໜ່ງຂອງ ໂຊລຊາ ຢ່າງເປັນທາງການ

    0
    108

    ແມນເຊັສເຕີ ຢູໄນເຕັດ ສະໂມສອນຍັກໃຫຍ່ໃນພຣີເມຍລີກ ອັງກິດ ປະກາດປົດ ໂອເລ ກຸນນາໂດ ໂຊລຊ່ ອອກຈາກຕໍາແໜ່ງຜູ້ຈັດການທີມຂອງ ແມນເຊັສເຕີ ຢູໄນເຕັດ ຢ່າງເປັນທາງການ ໃນວັນທີ 21 ພະຈິກ 2021 ຕາມເວລາໃນບ້ານເຮົາເມື່ອບໍ່ກີ່ຊົ່ວໂມງທີ່ຜ່ານມາ.

    ກ່ອນທີ່ຈະແຕ່ງຕັ້ງ ໄມເຄິລ ຄາຣິກ ຜູ້ຊ່ວຍຂອງ ໂຊລຊາ ຄຸມທີມໄປຊົ່ວຄາວ ໂດຍຈະເລີ່ມແຕ່ນັດທີ່ຈະບຸກໄປຢາມ ບີຢາຣີ ໃນການແຂ່ງຂັນບານເຕະ ຢູຟາ ແຊັມປ້ຽນລີກ ຮອບແບ່ງກຸ່ມນັດທີ 5 ໃນວັນທີ 23 ພະຈິກ 2021 ເພື່ອລໍຖ້າຜູ້ຈັດການທີມຄົນໃໝ່ ເຊິ່ງຫຼາຍໆສື່ຍົກໃຫ້ ຊີເນດີນ ຊີດານ ອະດີດຜູ້ຈັດການທີມຂອງ ຣີລ ມາດຣິດ ແລະ ເບຣນແດນ ຣ໊ອດເຈີ ຜູ້ຈັດການທີມຂອງ ເລສເຕີ ຊິຕີ້ ເປັນຕົວເຕັງ.

    ໂຊລຊາ ເຮັດໜ້າທີ່ນັດສຸດທ້າຍກັບ ແມນເຊັສເຕີ ຢູໄນເຕັດ ໃນນັດທີ່ບຸກໄປເສຍໃຫ້ກັບ ວັດຟອດ 1-4 ເມື່ອວັນທີ 20 ພະຈິກ 2021 ເຊິ່ງໃຫ້ເສຍໄປເຖິງ 5 ນັດຈາກ 7 ນັດຫຼັງສຸດໃນລີກ ແລະ ຖືກຍິງລວມເຖິງ 15 ປະຕູ ຈົນເຮັດໃຫ້ທີມຢູ່ອັນດັບທີ 7 ຂອງຕາຕະລາງຈາກການມີ 17 ຄະແນນຈາກ 12 ນັດ.

    ຫຼ້າສຸດ ມາຮອດຕອນແລງຂອງວັນທີ 21 ພະຈິກ 2021 ແມນເຊັສເຕີ ຢູໄນເຕັດ ປະກາດຜ່ານສື່ທາງອອນລາຍຂອງສະໂມສອນ ຢ່າງເປັນທາງການວ່າ: “ ແມນເຊັສເຕີ ຢູໄນເຕັດ ຢືນຢັນວ່າ ໂອເລ ກຸນນາ ໂຊລຊາ ໄດ້ອອກຈາກຕໍາແໜ່ງຜູ້ຈັດການທີມຂອງສະໂມສອນ, ຂໍຂອບໃຈສໍາລັບທຸກໆຢ່າງ ໂອເລ ຈະເປັນຕໍານານຂອງ ແມນເຊັສເຕີ ຢູໄນເຕັດ ຕະຫຼອດໄປ ມັນເປັນຄວາມເສຍໃຈທີ່ພວກເຮົາຕ້ອງຕັດສິນໃຈທີ່ຍາກລໍາບາກເຊັ່ນນີ້ ”

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.