ເຈົ້າໜ້າທີ່ ກັກຕົວ 2 ອ້າຍນ້ອງຮ່ວມກັນລັກລົດຈັກ

    0
    272

    ທ້າວ ວຽງເພັດ ຫຼື ຂາວ ອາຍຸ 19 ປີ ວ່າງງານ ແລະ ທ້າວ ເຫຼືອງ ທັງສອງຄົນເປັນອ້າຍນ້ອງກັນ ຢູ່ບ້ານອຸບມຸງ ເມືອງສີໂຄດຕະບອງ ນວ, ຖືກເຈົ້າໜ້າທີ່ ພະແນກຕໍາຫຼວດ ປກສ ເມືອງສີໂຄດຕະບອງ ນວ ສົມທົບກັບ ປກສ ກຸ່ມສີຖານ ກັກຕົວໃນວັນທີ 25 ຕຸລາ 2021, ໃນຂໍ້ຫາລັກຊັບພົນລະເມືອງ (ລັກລົດຈັກ)


    ພັທ ຄໍາປ່ຽນ ອຸດົມວິໄລ ຫົວໜ້າ ພະແນກຕໍາຫຼວດ ປກສ ເມືອງສີໂຄດຕະບອງ ນວ ໃຫ້ຮູ້ວ່າ: ໃນວັນທີ 23 ຕຸລາ 2021, ປກສ ບ້ານ ອຸບມຸງ ເມືອງສີໂຄດຕະບອງ ນວ ໄດ້ຮັບແຈ້ງຄວາມຈາກຜູ້ເສຍຫາຍວ່າ: ເວລາ 21:00 ໂມງ ມີຄົນຮ້າຍມາລັກລົດຈັກຂອງຕົນ ໝາຍເລກທະບຽນ ຈຍ 7482 ວຽງຈັນ ຈອດໄວ້ຢູ່ຄອກຈອດລົດຂອງຫ້ອງເຊົ່າ ບ້ານ ອຸບມຸງ ເມືອງສີໂຄດຕະບອງ ນວ,

    ຈາກນັ້ນ ເຈົ້າໜ້າທີ່ ພະແນກຕໍາຫຼວດ ປກສ ເມືອງສີໂຄດຕະບອງ ນວ ສົມທົບກັບ ປກສ ກຸ່ມສີຖານ ລົງກວດກາພາບກ້ອງວົງຈອນປິດ ບໍລິເວນສະຖານທີ່ເກີດເຫດ ສາມາດກຳນົດເປົ້າໝາຍລັກຊັບໄດ້ ຊື່: ທ້າວ ວຽງເພັດ ຫຼື ຂາວ ອາຍຸ 19 ປີ ວ່າງງານ ແລະ ທ້າວ ເຫຼືອງ ທັງສອງຄົນເປັນອ້າຍນ້ອງກັນ ຢູ່ບ້ານ ອຸບມຸງ ເມືອງສີໂຄດຕະບອງ ນວ, ມາຮອດວັນທີ 25 ຕຸລາ 2021, ເວລາ 11:30 ໂມງ ຈິ່ງກັກຕົວທັງສອງຄົນໄດ້ ຢູ່ເຮືອນຂອງພວກກ່ຽວ ມາດໍາເນີນຄະດີ.

    ຕໍ່ກັບຄະດີດັ່ງກ່າວ ເຈົ້າໜ້າທີ່ຕໍາຫຼວດ ປກສ ເມືອງສີໂຄດຕະບອງ ນວ ກໍາລັງດໍາເນີນຄະດີຕາມລະບຽບກົດໝາຍ.

    ທີ່ມາ: ປ້ອງກັນຄວາມສະຫງົບນະຄອນຫຼວງວຽງຈັນ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.