ເຖິງແມ່ນວ່າສະຖານະການໂຄວິດ-19 ຍັງລາມໄປບໍ່ຢຸດ ແຕ່ເພື່ອຄວາມຢູ່ລອດຂອງຊີວິດ ແລະເສດຖະກິດຂອງປະເທດ ລາຊະອານາຈັກໄທຈະບໍຄອຍອີກຕໍ່ໄປ ເປີດໄຟຂຽວຕ້ອນຮັບ 46 ປະເທດເຂົ້າມາທ່ຽວໄດ້ຕາມໃຈມັກ ໂດຍບໍຈຳເປັນຕ້ອງກັກຕົວ.
ໃນວັນທີ 21 ຕຸລາ 2021 ນີ້ທ່ານ ທານີ ທອງພັກດີ, ລັດຖະມົນຕີກະຊວງການຕ່າງປະເທດຂອງໄທ ໃນຖານະເປັນຫົວໜ້າສູນປະຕິບັດມາດຕະການຄົນເຂົ້າເມືອງ ແລະ ການດູແລຄົນໄທຢູ່ຕ່າງປະເທດ ໄດ້ລົງນາມໃນປະກາດສູນດຳເນີນມາດຕະການກວດກາຄົນເຂົ້າເມືອງ ແລະ ເບິ່ງແຍງຄົນໄທຢູ່ຕ່າງປະເທດ ເລື່ອງ ‘ກຳນົດລາຍຊື່ປະເທດ ແລະ ເຂດ ທີ່ອະນຸຍາດໃຫ້ເຂົ້າມາໃນລາຊະອານາຈັກຂອງປະເພດບຸກຄົນ (13)’ ໂດຍປະກາດຊື່ປະເທດທີ່ສາມາດເດີນທາງໄປໄທ ໃນວັນທີ 1 ພະຈິກ
ມາດຕະຖານເປີດຊື່ 46 ປະເທດ ທີ່ປະເທດໄທ ກໍາລັງຈະເປີດໃຫ້ນັກທ່ອງທ່ຽວເຂົ້າມາທ່ຽວໃນປະເທດໄທ ໂດຍບໍ່ມີການກັກກັນ ຖ້າປະຕິບັດຕາມເງື່ອນໄຂຂອງທາງການ.
ບັນດາລາຍຊື່ປະເທດທີ່ໄທອະນຸຍາດໃຫ້ເຂົ້າປະເທດໂດຍບໍຕ້ອງກັກຕົວນັ້ນ ລ້ວນເປັນປະເທດແຖບຢູໂຣບທີ່ມີສັກກະຍະພາບໃນການໃຊ້ຈ່າຍພັກແຮມທັງນັ້ນ
ໃນສະຖານະການແບບນີ້ ຫຼາຍປະເທດກໍ່ເລືອກທີ່ຈະບໍປິດອີກຕໍ່ໄປ ເວົ້າຕາມພາສາຊາວບ້ານກໍ່ແມ່ນຈະເກີດຫຍັງຂຶ້ນກໍປ່ອຍໃຫ້ເປັນໄປຕາມເວນຕາມກຳ ແຕ່ຄວາມຈີງແລ້ວເງິນຄຳສຳຄັນຢູ່ກໍ່ຈີງຫາກຊີວິດສຸຂະພາບສຳຄັນກວ່າ ສະນັ້ນຈະເປີດປະເທດແທ້ກໍ່ໃຫ້ໝັ້ນໃຈຄວາມປອດໄພຂອງພົນລະເມືອງກ່ອນຈະເປັນການດີສຸດ.
.
