ຫົວພັນລ໊ອກດາວ! ຫ້າມຄົນໃນອອກ ຫ້າມຄົນນອກເຂົ້າ ພ້ອມຕັ້ງຈຸດກວດ

    0
    35

    ຫົວພັນລ໊ອກດາວ! ຫ້າມຄົນໃນອອກ ຫ້າມຄົນນອກເຂົ້າ ພ້ອມຕັ້ງຈຸດກວດ ຕາມການຄົ້ນຄ້ວາຂອງຄະນະສະເພາະກິດຕ້ານພະຍາດໂຄວິດ-19 ແຂວງຫົວພັນ ໃນວັນທີ 4 ຕຸລາ 2021 ເຈົ້າແຂວງຫົວພັນ ໄດ້ອອກແຈ້ງການແນະນຳ ໃຫ້ສືບຕໍ່ປະຕິບັດບັນດາມາດຕະການທີ່ຄະນະສະເພາະກິດວາງໄວ້ ແລະໃຫ້ປະຕິບັດຕື່ມດັ່ງນີ້:

    1. ປິດການເດີນທາງເຂົ້າ-ອອກແຂວງຫົວພັນ (Lock down) ນັບແຕ່ວັນທີ 5-18 ຕຸລາ 2021, ຫ້າມບຸກຄົນ, ນິຕິບຸກຄົນ ຢູ່ພາຍໃນແຂວງຫົວພັນ ເດີນທາງອອກໄປຕ່າງແຂວງ ແລະ ຫ້າມຄົນຕ່າງແຂວງເດີນທາງເຂົ້າມາແຂວງຫົວພັນກໍລະນີມີຄວາມຈຳເປັນອັນຮີບດ່ວນ ຈະເດີນທາງເຂົ້າ-ອອກ ແຂວງຫົວພັນ ຕ້ອງໄດ້ອະນຸຍາດຈາກຄະນະສະເພາະກິດແຂວງ

    2.ປິດການຂົນສົ່ງໂດຍສານ ທາງບົກ, ທາງອາກາດ, ປິດການຂົນສົ່ງສິນຄ້າເຂົ້າ-ອອກ ແຂວງຫົວພັນ ຍົກເວັ້ນລົດບັນທຸກສິນຄ້າປະເພດນໍ້າມັນ, ສ່ວນລົດປະເພດອື່ນໆ ແມ່ນບໍ່ອະນຸຍາດໃຫ້ເຂົ້າແຂວງຫົວພັນຢ່າງເດັດຂາດ ໃຫ້ເຈົ້າໜ້າທີ່ ປກຊ-ປກສ ແຂວງ-ເມືອງ ແລະ ພາກສ່ວນທີ່ກ່ຽວຂ້ອງທຸກຂັ້ນ ເພີ່ມທະວີຈັດຕັ້ງເວນຍາມ, ລາດຕະເວນກວດກາຕະຫຼອດ 24 ຊົ່ວໂມງ, ຫາກພົບເຫັນບຸກຄົນ, ນິຕິບຸກຄົນ, ອົງການຈັດຕັ້ງທີ່ ລະເມີດມາດຕະການປ້ອງກັນພະຍາດໂຄວິດ-19 ທີ່ແຂວງວາງອອກ ຈະຖືກປັບໄໝ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.