ປກສ ກຸ່ມ ສີວິໄລ ສົມທົບ 2 ການຈັດຕັ້ງບ້ານ ອອກກວດກາລາດຕາເວນ ພົບກຸ່ມໄວລຸ້ນຕັ້ງວົງຊຸມແຊວ

    0
    415

    ປກສ ກຸ່ມ ສີວິໄລ ສົມທົບ 2 ການຈັດຕັ້ງບ້ານ ອອກກວດກາລາດຕາເວນ ພົບກຸ່ມໄວລຸ້ນຕັ້ງວົງຊຸມແຊວ ເວລາ 00: 45 ໂມງ ວັນທີ 11 ກັນຍາ 2021 ເຈົ້າໜ້າທີ່ ປກສ ກຸ່ມສີວິໄລ ເມືອງໄຊທານີ ນະຄອນຫຼວງວຽງຈັນ ສົມທົບກັບການຈັດຕັ້ງບ້ານ ສາຍນ້ຳເງິນ ອອກກວດກາລາດຕາເວນ ພົບເຫັນຫ້ອງແຖວແຫ່ງໜື່ງ ຢູ່ເຂດບ້ານດັ່ງກ່າວ ມີກຸ່ມໄວ້ລຸ້ນ 4 ຄົນ, ຍິງ 3 ຄົນ ຕັ້ງວົງຊຸມແຊວເຫຼົ້າ-ເບຍທີ່ເປັນການລະເມີດຕໍ່ບັນດາຂໍ້ຫ້າມທີ່ຄະນະສະເພາະກິດຂັ້ນຕ່າງໆວາງອອກ.

    ເຈົ້າໜ້າທີ່ ປກສ ກຸ່ມສີວິໄລ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ: ການອອກກວດລາດຕາເວນ ຕາມເສັ້ນທາງຮ່ອມ, ທາງປ່ຽວ, ທາງມືດ ແລະ ຈຸດຫຼໍ່ແຫຼມ ໄດ້ພົບເຫັນກຸ່ມໄວລຸ້ນຕັ້ງວົງຊຸມແຊວເຫຼົ້າ-ເບຍ ຢູ່ເຂດບ້ານ ສາຍນໍ້າເງິນ 4 ຄົນ, ຍິງ 3 ຄົນ ເຈົ້າໜ້າທີ່ ຈຶ່ງໄດ້ສຶກສາອົບຮົບກ່າວເຕືອນພວກກ່ຽວໃຫ້ຮັບຮູ້ວ່າການກະທໍາທີ່ເຫັນວ່າມີຄວາມສ່ຽງ ແລະ ລະເມີດຕໍ່ບັນດາແຈ້ງການ ແລະ ຄໍາສັ່ງເລກທີ 015/ຈນວ, ລົງວັນທີ 30 ສິງຫາ 2021 ວ່າດ້ວຍການເພີ່ມທະວີການປ້ອງກັນ, ຄວບຄຸມ ແລະ ແກ້ໄຂການແຜ່ລະບາດພະຍາດໂຄວິດ-19 ຢູ່ນະຄອນຫຼວງວຽງຈັນ.

    ແລະ ເວລາ 1:30 ໂມງຂອງວັນທີ 12 ກັນຍາ 2021 ເຈົ້າໜ້າທີ່ ປກສ ກຸ່ມສີວິໄລ ສືບຕໍ່ສົມທົບກັບການຈັດຕັ້ງບ້ານອອກກວດກາລາດຕາເວນ ໃນຂອບເຂດຄວາມຮັບຜິດຊອບຂອງກຸ່ມ ພົບເຫັນກຸ່ມໄວລຸ້ນ 10 ຄົນ, ຍິງ 5 ຄົນ ຕັ້ງວົງຊຸມແຊວດື່ມເຫຼົ້າ-ເບຍ ຢູ່ເຂດບ້ານ ສີວິໄລ ເມືອງໄຊທານີ ນະຄອນຫຼວງວຽງຈັນ ທາງເຈົ້າໜ້າທີ່ຈື່ງໄດ້ສຶກສາອົບຮົມພວກກ່ຽວໃຫ້ຢຸດເຊົາ ເພາະພຶດຕິກໍາດັ່ງກ່າວມີຄວາມສ່ຽງໃນການຕິດເຊື້ອພະຍາດໂຄວິດ-19 ແລະ ເປັນການລະເມີດຕໍ່ບັນດາຂໍ້ຫ້າມ, ຄໍາສັ່ງ- ແຈ້ງການ ທີ່ຄະນະສະເພາະກິດວາງອອກ ແລະ ມີຄວາມສ່ຽງຕໍ່ການຕິດເຊື້ອພະຍາດໂຄວິດ-19.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.