ໜ້າເປັນຫ່ວງ! ພະນັກງານແພດ – ໝໍ ຕິດ ເ ຊ ື ້ ອ ໂ ຄ ວ ິ ດ ໃນຊຸມຊົນ 8 ຄົນ

    0
    364

    ເຊື້ອພະຍາດໂຄວິດ-19 ບໍ່ເລືອກວ່າໃຜເປັນໃຜ ຜູ້ນ້ອຍ, ຜູ້ໃຫຍ່ ມື້ນີ້ໜ້າຫ່ວງອີກແລ້ວ ເມື່ອຄະນະສະເພາະກິດຖະແຫຼງເຖິງຍອດຜູ້ຕິດເຊື້ອໂຄວິດ 19 ປະຈຳວັນທີ 6 ກັນຍາ 2021, ກວດພົບເຊື້ອທັງໝົດ 125 ຄົນ ໃນນັ້ນໃນຊຸມຊົນ 50 ຄົນ ເຊິ່ງໃນນະຄອນຫຼວງບໍ່ພົບຜູ້ຕິດເຊື້ອໃນຊຸມຊົນ ມີແຕ່ບັນດາຕ່າງແຂວງ

    ທີ່ຫຼ້າຫ່ວງແມມ່ນແຂວງ ສະຫວັນນະເຂດ ທີ່ພົບຜູ້ຕິດເຊື້ອໃນຊຸມຊົນ 8 ຄົນ ເປັນພະນັກງານແພດໝໍທັງໝົດ ລາຍລະອຽດຕາມນີ້ສະຫວັນນະເຂດ 8 ຄົນ ເປັນພະນັກງານແພດປະຈໍາຢູ່ສູນຫຼັກ 9 ຈຳນວນ 04 ຄົນ ເຂົ້າມາປະຈໍາການວັນທີ 24 ສີງຫາ 2021 ເຊິ່ງເປັນທີມແພດ ມາຈາກເມືອງອາດສະພັງທອງ, (ທ່ານໝໍ 01 ຄົນ ແລະ ພະຍາບານ 02 ຄົນ) ແລະ ພະຍາບານຈາກ ເມືອງພິນ 01 ຄົນ

    04 ຄົນ ເຊິ່ງເປັນທີມງານແພດຈາກໂຮງໝໍສູນກາງ ທີ່ລົງໄປຊ່ວຍວຽກ ຢູ່ສະຖານທີ່ຄຸມຂັງ ແຂວງສະຫວັນນະເຂດ ໜ້າຫ່ວງສຸດໆ ສູ້ໆເດີ້ຈໍາປາສັກ 16 ຄົນ ທັງໝົດແມ່ນ ຈຸ້ມຂອງເມືອງ ປະທຸມພອນ, ໃນນັ້ນ ຈາກບ້ານສ້າງທ່ຽງ ນະຄອນປາກເຊ 1 ຄົນຄໍາມ່ວນ 15 ຄົນ 14 ຄົນ (8 ຄົນ ຈາກຕະຫລາດຫຼັກ 2 ແລະ 6 ຄົນ ຈາກຕະຫລາດຫຼັກ 3), 1 ຄົນ ແມ່ນເຈົ້າໜ້າທີ່ຕຳຫລວດ ຄ້າຍຄຸມຂັງບໍ່ແກ້ວ 8 ຄົນ ມາຈາກ ເຂດເສດຖະກິດພິເສດ ສາມຫຼ່ຽມຄຳ (ຈີນ 6 ຄົນ, ພະມ້າ 01 ຄົນ ແລະ ລາວ 01 ຄົນ).

    ສາລະວັນ 2 ຄົນ ລູກຊາຍຝາແຝດ ຊື່ງພໍ່ ແລະ ແມ່ຕິດເຊື້ອ ເປັນພະນັກງານໄອຍະການ ແຂວງສາລະວັນ ທີ່ໄດ້ລາຍງານໃນວັນທີ 5 ກັນຍາ 2021.
    ຫຼວງພະບາງ 1 ຄົນ ເປັນເພດຊາຍ, ອາຊີບ ກໍາມະກອນກໍ່ສ້າງທາງລົດໄຟ ຊື່ງຜູ້ກ່ຽວ ເດີນທາງມາຈາກເມືອງນາຊາຍທອງ, ນະຄອນຫລວງວຽງຈັນ ເດີນທາງກັບໄປຫລວງພະບາງ ແລ້ວຖືກນຳສົ່ງເຂົ້າສູນຈຳກັດບໍລິເວນ ທີ່ທາງແຂວງໄດ້ກຳນົດໄວ້.

    ທ່ານ ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ກ່າວວ່າ ໃນໄລຍະອາທິດທີ່ຜ່ານມາ ເຫັນວ່າ ຕົວເລກການຕິດເຊື້ອ ໃນພະນັກງານດ່ານໜ້າ ແມ່ນເພີ້ມຂື້ນຫຼາຍພໍສົມຄວນ ເຊິ່ງສົ່ງຜົນກະທົບຕໍ່ພະນັກງານສາທາລະນະສຸກ, ພະຍາບານ, ທະຫານ, ຕຳຫຼວດ ທີ່ມີຈຳນວນຈຳກັດຢູ່ແລ້ວ ແລະ ກໍ່ຍັງຕ້ອງໄດ້ສືບຕໍ່ປະຕິບັດໜ້າທີ່ ເພື່ອຮັບໃຊ້ປະຊາຊົນບັນດາເຜົ່າ ໃນສະພາວະທີ່ຫຍຸ້ງຍາກ.
    ໃນຈຳນວນຕົວເລກລາຍງານການຕິດເຊື້ອໃໝ່ໃນແຕ່ລະວັນນັ້ນ ກໍ່ຍັງພົບເຫັນວ່າ ການຮັບວັກຊີນ ກໍ່ບໍ່ທັນຄົບ ຫຼື ບໍ່ທັນໄດ້ຮັບເທື່ອ.

    ນອກຈາກນັ້ນ ການປ້ອງກັນຕົນເອງ ໃນສະຖານທີ່ເຮັດວຽກ, ສະຖານທີ່ຈຳກັດບໍລິເວນ, ດ່ານເຂົ້າ-ອອກ, ໂຮງໝໍພາກສະໜາມ ກໍຍັງບໍ່ທັນໄດ້ປະຕິບັດຢ່າງເຂັ້ມງວດ ຕາມຂ້ໍແນະນຳທາງດ້ານວິຊາການ ຈຶ່ງເຮັດໃຫ້ມີການຕິດເຊື້ອເກີດຂຶ້ນ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.