ເຫັນດີນຳ…!!! ຫົວໜ້າກອງຮ້ອຍຕໍາຫຼວດຈະລາຈອນ ປກສ ເມືອງສີໂຄດຕະບອງ ຫ້າມລົດບັນທຸກໜັກເຂົ້າ-ອອກເມືອງ ໃນຊົ່ວໂມງເລັ່ງດ່ວນ ເຂົ້າການ-ເລີກການ

    0
    657

    ພັຕ ບຸນຄົງ ພັດທະລັງສີ ຮັກສາການ ຫົວໜ້າກອງຮ້ອຍຕໍາຫຼວດຈະລາຈອນ ປກສ ເມືອງສີໂຄດຕະບອງ ນະຄອນຫຼວງວຽງຈັນ ຜ່ານສື່ຂອງ ປກສ ນະຄອນຫລວງວຽງຈັນວັນທີ 20 ສິງຫາ 2021 ນີ້ວ່າ:

    ໃນຊົ່ວໂມງເລັ່ງດ່ວນ ເຂົ້າການ-ເລີກການ ຫ້າມລົດບັນທຸກໜັກເຂົ້າ-ອອກເມືອງ ເພາະເປັນສາເຫດໜື່ງເຮັດໃຫ້ການສັນຈອນມີຄວາມສັບສົນ ຖ້າມີການລະເມີດຈະຖືກສຶກສາອົບຮົມກ່າວເຕືອນ ແລະ ນໍາໃຊ້ມາດຕະການປັບໃໝຕາມດໍາລັດ 188/ນຍ.

    ທັງນີ້ ກໍເພື່ອເປັນການຫຼຸດຜ່ອນຄວາມແອອັດ ແລະ ບັນຫາອຸບັດຕິເຫດຕາມທ້ອງຖະໜົນ ເຈົ້າໜ້າທີ່ກອງຮ້ອຍຕໍາຫຼວດຈະລາຈອນ ປກສ ເມືອງສີໂຄດຕະບອງ

    ໄດ້ເຮັດໜ້າທີ່ປະສານສົມທົບກັບຫ້ອງການໂຍທາທິການ ແລະ ຂົນສົ່ງເມືອງ ລົງຕິດຕາມກວດກາຜູ້ໃຊ້ລົດໃຊ້ຖະໜົນ ເວົ້າສະເພາະລົດບັນທຸກໜັກເຂົ້າ-ອອກ ໃນເວລາ ຊົ່ວໂມງເລັ່ງດ່ວນເຂົ້າການ-ເລກການ.

    ຜ່ານການລົງຕິດຕາມພົບເຫັນນັກຂັບຂີ່ລົດບັນທຸກໜັກ 6 ຄັນ ລະເມີດຄໍາສັ່ງ ແລະ ແຈ້ງການຂອງ ພະແນກໂຍທາທິການ ແລະ ຂົນສົ່ງ ນວ ຈຶ່ງໄດ້ນໍາມາສຶກສາອົບຮົມ ແລະ ກ່າວເຕືອນ.

    ຂອບໃຈທີ່ມາ:ໜັງສືພີມພັດທະນາ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.