ພຽງເດືອນປາຍຜ່ານມາ ມີຜູ້ຕິດເຊື້ອໂຄວິດ-19 ໃນແຮງງານ ແລະ ຜູ້ເດີນທາງເຂົ້າປະເທດເຖິງ 1.849 ຄົນ

    0
    380

    ພຽງເດືອນປາຍຜ່ານມາ ມີຜູ້ຕິດເຊື້ອໂຄວິດ-19 ໃນແຮງງານ ແລະ ຜູ້ເດີນທາງເຂົ້າປະເທດເຖິງ 1.849 ຄົນ ດຣ ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ກ່າວໃນພິທີຖະແຫຼງຂ່າວປະຈຳວັນທີ 21 ກໍລະກົດ 2021 ຂອງຄະນະສະເພາະກິດເພື່ອປ້ອງກັນ ຄວບຄຸມ ແລະ ແກ້ໄຂການລະບາດ

    ຂອງພະຍາດໂຄວິດ-19 ກ່າວວ່າ: ນັບແຕ່ຕົ້ນເດືອນມິຖຸນາ ຮອດວັນທີ 20 ກໍລະກົດ 2021 ເຫັນວ່າມີ ຈຳນວນຜູ້ຕິດເຊື້ອພະຍາດໂຄວິດ-19 ໃນແຮງງານ ແລະ ຜູ້ເດີນທາງເຂົ້າມາປະເທດ ມີເຖິງ 1.849 ຄົນ ຈາກນະຄອນຫຼວງວຽງຈັນ ແລະ 10 ແຂວງຄື: ຈາປາສັກ, ສະຫວັນນະເຂດ, ຄຳມ່ວນ, ສາລະວັນ, ບໍລິຄຳໄຊ, ບໍ່ແກ້ວ,

    ອຸດົມໄຊ, ຫຼວງນ້ຳທາ, ອັດຕະປື ແລະ ແຂວງວຽງຈັນ ໂດຍສະເພາະແມ່ນ ແຂວງຈຳປາສັກ ມີເຖິງ 834 ຄົນ, ສະຫວັນນະເຂດ 785 ຄົນ.ເຊິ່ງການເຄື່ອນຍ້າຍຂອງກຸ່ມຄົນທີ່ເປັນແຮງງານອອກມາຈາກພື້ນທີ່ທີ່ມີການລະບາດຂອງພະຍາດໂຄວິດ-19 ແມ່ນມີຄວາມສ່ຽງສູງທີ່ຈະມີການນໍາພະຍາດມາແຜ່ລະບາດອອກເປັນວົງກ້ວາງໃນພື້ນທີ່ອື່ນ.

    ດັ່ງນັ້ນ, ຈຶ່ງຂໍຮຽກຮ້ອງມາຍັງ ປະຊາຊົນຊາວລາວທຸກຄົນ ທີ່ໄປເຮັດວຽກຢູ່ປະເທດເພື່ອນບ້ານ ຫາກຈະກັບຄືນປະເທດ ກໍ່ຂໍໃຫ້ເຂົ້າມາຕາມຊ່ອງທາງທີ່ຖືກຕ້ອງຕາມລະບຽບຫຼັກການ ເພື່ອຈະໄດ້ຮັບການເກັບຕົວຢ່າງກວດຊອກຫາເຊື້ອພະຍາດໂຄວິດ-19 ແລະ ຈໍາກັດບໍລິເວນຕາມຂັ້ນຕອນຂອງ ມາດຕະການປ້ອງກັນເຊື້ອ ເພື່ອເປັນການປ້ອງກັນ ແລະ ຮັບປະກັນວ່າການທີ່ທ່ານກັບບ້ານມານັ້ນ ຈະບໍ່ເປັນການນຳເຊື້ອພະຍາດມາຕິດຕໍ່ໃສ່ ພໍ່ແມ່ອ້າຍເອື້ອຍນ້ອງ ຄອບຄົວ ແລະ ຄົນທີ່ ທ່ານຮັກ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.