ຮຽກຮ້ອງພີ່ນ້ອງແຮງງານລາວ ເຂົ້າມາປະເທດໃຫ້ຖືກຕ້ອງຕາມລະບຽບກົດໝາຍ ທ່ານຈະໄດ້ສະບາຍໃຈ ແລະ ປອດໄພກວ່າ

    0
    391

    ຂະນະນີ້ໂຄວິດ-19 ກຳລັງແພ່ລະບາດຢ່າງຮ້າຍແຮງໄປທົ່ວໂລກ, ຊໍ້າບໍ່ໜຳຍັງເກີດກາຍພັນສາຍພັນໃໝ່ມາເລື້ຶອຍໆ ເຊັ່ນ: ເດລຕາ, ອານຟາ, ແລມດາ, ເບຕາ, ທີຕາ, ລັອດຕາ, ກັບປາ, ໄອໂອຕາ, ແກມມາ…ຊຶ່ງແຕ່ລະສາຍພັນລ້ວນແຕ່ມີຄວາມຮຸນແຮງ ແລະ ອັນຕະລາຍກວ່າສາຍພັນເດີມຫຼາຍເທົ່າ, ເປັນຕົ້ນແມ່ນ ແພ່ເຊື້ອໄວກວ່າ,
    ອາການຮຸນແຮງກວ່າ, ອັດຕາການຕາຍສູງກວ່າ, ດື້ວັກຊີນ ຕ້ານສັກຊີນໄດ້ດີກວ່າ…ສະເພາະຢູ່ພາກພື້ນອາຊຽນ ກໍມີຫຼາຍຊາດທີ່ມີການລະຍາດຢ່າງໜັກໜ່ວງໃນຂະນະນີ້, ບາງ

    ປະເທດກໍເກີດຂຶ້ນເປັນຮອບທີ 2, ທີ 3 ກໍມີແລ້ວ, ເຊັ່ນ: ໄທ, ຫວຽດນາມ, ກຳປູເຈຍ, ມຽນມາ ແລະ ລາວເຮົາກໍເຊັ່ນດຽວກັນ. ຕໍ່ໜ້າສະພາບການດັ່ງກ່າວ, ພີ່ນ້ອງ
    ແຮງງານລາວ ຢູ່ຕ່າງປະເທດ, ບ້ານໃກ້ເຮືອນຄຽງໄດ້ຂໍກັບຄືນປະເທດຢ່າງຫຼວງຫຼາຍໃນແຕ່ລະວັນ. ໃນຈຳນວນນັ້ນສ່ວນຫຼາຍແມ່ນເຂົ້າມາຕາມທາງດ່ານທີ່ຖືກຕ້ອງຕາມລະບຽບການ, ແຕ່ພ້ອມດຽວກັນນັ້ນ ຍັງມີຈຳນວນໜ້ອຍໜຶ່ງ ລັກລອບເຂົ້າມາແບບບໍ່ຖືກຕ້ອງ ຊຶ່ງມັນມີຄວາມສ່ຽງອັນຕະລາຍສູງທີ່ຈະນຳເອົາເຊື້ອໄວຣັສກາຍພັນຊະນິດຕ່າງໆ ເຈົ້າ

    ມາແພ່ໃສ່ປະເທດ. ບໍ່ສະເພາະແຕ່ແພ່ໃສ່ພີ່ນ້ອງຮ່ວມຊາດ ແຕ່ຫາກຍາດພີ່ນ້ອງຄອບຄົວຂອງພວກທ່ານເອງກໍມີຄວາມສ່ຽງກ່ອນໃຜໝົດ.ຖ້າພວກທ່ານເຂົ້າມາແບບຖືກຕ້ອງ ພວກທ່ານຈະໄດ້ຮັບການກວດຫາເຊື້ອ, ກັກຕົວ 14 ວັນເພື່ອຄວາມປອດໄພໃຫ້ທັງຕົວທ່ານເອງ ແລະ ຍາດພີ່ນ້ອງຮ່ວມຊາດທັງປະເທດ. ຖ້າພວກທ່ານຫາກຮັກຊາດ, ຮັກ

    ພີ່ນ້ອງປະຊາຊົນລາວດ້ວຍກັນ, ຮຽກຮ້ອງພວກທ່ານຈົ່ງໄດ້ເຂົ້າມາໃຫ້ຖືກຕ້ອງຕາມລະບຽບກົດໝາຍ. ພຽງເທົ່ານີ້ກໍເປັນການປະກອບສ່ວນອັນຍິ່ງໃຫຍ່ໃຫ້ແກ່ປະເທດຊາດແລ້ວ.ພວກເຮົາຄົນລາວທຸກຄົນຈົ່ງຍົກສູງສະຕິຊາດ, ຄວາມເປັນຊາດ ແລະ ຄວາມຮັກຊາດໃຫ້ສູງຂຶ້ນກວ່າເວລາໃດໝົດ. ພວກເຮົາຈົ່ງສາມັກຄີກັນເປັນຈິດໜຶ່ງໃຈດຽວຕີເອົາຊະນະສັດຕູໂຄວິດໂຕຮ້າຍກາດນີ້ໃຫ້ໝົດໄປຈາກປະເທດລາວ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.